| 在忙忙的生活中~
依家只有書陪伴我~
放一個星期閱讀週~
時間好似唔足夠~
依家都依然同台北人奮鬥中~
之後仲有古漢同中國小說史畧等候緊我接見~
都唔知要同佢地奮鬥到幾時~
尼兩日睇書睇到頭暈咁啦~
等我聽日放自己幾個鐘頭假~
睇返一場好期待嘅戲~
放鬆一下自己嘅心情~
之後再集中精神同佢地奮鬥~
希望可以趕係星期日前奮鬥完畢~
|
| |
| 最近發生左好多事
我只希望一齊盡快完結
因為此事
令到大家多左嘈吵
不來唔想結果變成咁
但一齊都唔由我決定
我真心希望一齊都完結
我唔想再為此事煩惱
我好想咩都唔再理
過程已經唔想再多參與
我累了
|
| |
| 琴晚一夜之後,我就發覺邊d係朋友,邊d係假面人~
我唔想多講,費事俾人話我從中作梗~
辛苦左咁耐,本應該係好開心先岩~
但依家正好相反,不知情者可能唔知我講緊咩~
但知情者亦都唔好講出去~
我依家真係處於一個我冇聲出嘅情況下~~
唔係俾人話到冇聲出~而係我因為琴晚一夜之後~
我失聲啦~~所以我依家真係冇聲出~~
琴晚BBQ不滿比開心情緒更多,主要原因在於team尼個字上邊~~
我唔知係佢地年幾細唔識得諗定係佢地係知道而唔去做~~
如果係前者,我會原諒佢,但係後者,我覺得真係唔得~~~
我唔係話因為邊個不滿,而跟埋一齊不滿~~
問題係有好多野只係得我地某幾個人去付出~~
而其中某幾個人只懂得享受~~
我唔明我地幾個要人做到咁辛苦做乜!~
為左咩野先~~~為左學會咋~~
我唔知你地某一D人想大事化小定係點~
我覺得只要中間有問題就要解決,逃避解決唔到問題架~~
我地幾個琴晚忙到根本冇咩幾何可以埋到個爐度燒野食~
我唔知點解有人可以連爐都冇離開過~~
有冇諗過你地身份係咩呀??
係主辦個邊呀,定係參加個邊呀??
唔該清楚返自己個身份係咩~~
我依家好想講一句,唔係一心為學會好嘅,唔該你離開~
|
| |
| 好嬲呀我依家~~
都唔知依家D人點解咁唔公平架~~
澳大又唔係冇得租LOCKER喎~
有得租LOCKER個時又唔去租~
係要等到D人租哂啦~
有D冇人租個時,就走去扮哂野咁去開LOCKER~
點解要咁做呀?
依家係咪要配額咁呀?
係咪要等到D人唔開走去開左佢,當做自己俾左錢去租??
咁想要LOCKER咪自己俾錢去租囉~
點解要咁賤格,開人LOCKER當係自己~
唔係今日係後面個度門度走,都唔知自己個LOCKER俾人開左黎用~
如果唔係今日自己見到,我都唔信尼個世界上有D咁自私嘅人架~~
我未開並唔代表我永遠唔開,又或者冇人租~~
總之依家我就好嬲啦~
唔好俾我見到個條友呀~
唔係我真係好想一野車巴佢呀~~
唔好見到有LOCKER未開就去開左佢黎用~
有冇諗過人地用左$40,係真金百銀咁去租左LOCKER黎用~
唔好因為自己一己私慾,做出一D對別人唔公平嘅行為~
如果想用LOCKER咪去租囉!!
點解要咁樣做~
請公平對待一D俾左錢租LOCKER嘅同學好嗎?? |
| |
| 又是打風的日子~
最近的颱風都打得幾密下~
依家雨仲一直落緊~
由今日我放學開始到依家都未停過~
幾時會停雨呢??
對上一個禮拜都過得幾充實下~
因為同同學朋友們一齊嘅關係??
而且係星期五,仲睇左一場比往年好睇好多陪嘅迎新~
因為小楠同ALEX有份表演有關嗎??
我睇唔只尼倨原因啦~
而且因為今年比往年嘅氣氛來得更好~
只要表演有好好氣氛出現,已經係成功左~
返左一個月學,由本來的天地堂到依家尼個我好滿足嘅時間表~
雖然返學嘅日數好比中學嘅返學時間~
但可以有兩日時間同到你地一大班好朋友一齊食飯~
我都好開心啦~
不知不覺間識左兩年幾,今年係第三年嘅開始~
由唔識到依家成日都一齊會諗住約出去玩,食飯,慶祝~
開心嘅日子不斷增加,尼D會係我地畢業後嘅開心大學生活嘅回憶嗎?
我希望到畢業後,就算我唔係澳門同大家一齊共事~
我都希望大家可以係永遠嘅好朋友~~
|
| |
